ديوانـ الشاعر : عبدالله العليوي

[align=center][align=center]ذكرتني حبك
ذكرتني حبك وأنا أقول ناسيه
جرحت جرحك يوم قرب يطيبي

في شوفتك شديت قلبي لماضيه
يوم أنت عني ساعة ماتغيبي

يا للي تلوم القلب بفراق غاليه
ليتك بدنيا الحب تأخذ نصيبي

تمشي بدرب ما تحسب تواليه
ماتدري إنك بالنهاية صويبي

تذكر حبيبٍ راح تبكي لياليه
دار الزمان وكل شمس تغيبي

بيديه قلبي يا عرب كيف أخليه
من حبه الظالم تعذر طبيبي [/align][/align] __DEFINE_LIKE_SHARE__

[align=center]غاب القمر

عن ديرتي غاب القمر
ما عاد أشوف بالسماء !

مدري القمر ؟؟
رافق حبيبي بسفرته !!

مدري القمر ...؟؟
في غيبته يبكي عليه

الكل منا ياقمر .
يتمنى والله شوفته .

والكل منا ياقمر !
في غيبته يبكي عليه

في ديرتي ... كل العواطف له ثمن !
حتى القلوب اليوم صارت من حجر

والحب بين أثنين ...
ما والله يكون ...

عن ديرتي ... غاب القمر [/align] __DEFINE_LIKE_SHARE__

[align=center]لولا الوفاء

لولا الوفاء ما شدني لك جمالك
لا يخدعك وقت الندم لو صفالك

إخلاصك الوهمي كشفناه تالي
هديت كل اللي بنيت بخيالك

غروك ناسٍ يدعون الوفا لك
حديتن أبعد يالغضي عن مجالك

ما طاع قلبٍ يبتعد قال وشلون
وشلون قلي تبتعد عن ضلالك

في عزتي للنفس يا قلبي بعته
ما ظنتي يا قلب يلقا بدالك

أختار درب الشوق يا قلب خله
يا قلب إنساه واذكر اللي جرالك [/align] __DEFINE_LIKE_SHARE__

[align=center]مابي حياتي

مابي حياتي لا خلت منك تنعاف
وش الليالي لاخلت من قمرها

جرحتني واليوم ماعاد تنشاف
عيني تمنى شوفتك يانظرها

ياصاحبي قلبي على جال ميهاف
الروح يالغالي تزايد خطرها

ماترحم اللي للشقاء صار ميلاف
لك فرحة الدنيا وحنا كدرها

تبكي عليك الدار يازين الأوصاف
ليت النهاية ماتبين خبرها

أيام قربك يالغضي مابي خلاف
راحت ليالي حبنا ياقمرها [/align] __DEFINE_LIKE_SHARE__

[align=center]الصيف قرب

الصيف قرب وا عذابي من الصيف
يبي يروح الزين ماعاد ينشاف

لا غاب عن عيني حسين التواصيف
عز الله إني للشقاء صرت ميلاف

العام جرحي داخل القلب ماشيف
واليوم أخاف جروح فرقاه تنشاف

قلبي معه والدرب يمه صواديف
ليته بجنبي كان ما عندي خلاف

ياصيف ... لا تبعد قلوبٍ مواليف
ارفق ترى قلبي على جال ميهاف

في بحر حبه ما تفيد المجاديف
انشهد ان الدار لا غاب تنعاف [/align] __DEFINE_LIKE_SHARE__

[align=center]خايف عليك

خايف عليك ومنك بالحيـل خايـف
عزي لقلبي يجمع الحب والخـوف

خليت قلبي والشقـاء بـك ولايـف
قلبي عمى وش عاد لو عيني تشوف

عمري قضى ماقلت لك واحسايـف
عندي نهايه درب الاشواق معروف

جرحت قلبـي يا عديـم الوصايـف
ماظن تشرح ما بقلبي لـك حـروف

قلبي لغيـرك لـو تغليـت عايـف
حبك ملك قلبي ونسانـي الخـوف[/align] __DEFINE_LIKE_SHARE__

[align=center]لو طال صبري

لو طال صبري يا هوى البال له حد
ماودي إنك توصل الصبر حده

رسمت لك شكواي والدمع يشهد
عقبك خطير القلب ينباح سده

كيف أحتمل ياعزوتي عيشة الصد
أعطيك روحي والشقاء لي تمده

حاولت كتم الشوق والشوق يشتد
أرحم رحمك الله تراني بشده

لا تجرح المشتاق في قاسي الرد
قلبي عن الفرحه معك لا تلده

قلبي معك والله ماخنت لك عهد
ليت الحنان اللي مضى لي ترده [/align] __DEFINE_LIKE_SHARE__