لبوح
(طيـر) ..
وصدتـي (برقـع الطيـر)
والحزن (وكر) .. وضامي الشـوق (صقـار)
إيحدنـي شوقـي علـى (الـبـوح) للغـيـر
وإيردني (صمتـي) عـن العيـب والعـار !!
غابـت .. ولاعيٌـنـت للهجــر تفسـيـر
لين أحرقت .. جوفن علـى (الغبـن) صبٌـار
الشوق ((جمر)) .. وطيفها ((نافـخ الكيـر))
وصدري من إحروق الهوى .. طوق وأوجـار
(نـار المحبـه) بالهـوى .. مابهـا خـيـر
تشعل حطبها (ضيم) و (جـروح) و (إعبـار)
وإن مِوتـة مـن (دفنـة الصبـر) تعـزيـر
يبقى (رمدهـا) تالـي الوقـت .. ((تذكـار))
الدمع عـن ذنـب الهـوى .. خيـر تكفيـر
لاصار واجب .. تنثـر إدموعـك إجهـار !!
والصمت لك .. عـن (نثـرة الدمـع) تعبيـر
أبلغ كـلام .. إن خـان تعبيـر الأعـذار ؟؟
((وإن مالقيـت ألنكسـة الوقـت .. تبـريـر
يكفـي مقولـة .. قـدر الله ومـا صـار ))
أعطيتهـا (حـبـن) يـفـوق إي تصـويـر
وأعطتني إحساسن على (العشـق) جبٌـار !!
مـا جالهـا مـن (مـدة الحـب) تقصـيـر
لكن ((مروجة الحكـي)) بالهـوى إكثـار ؟؟
ناسـن علـى (الفرقـى) تسـوق التباشـيـر
البيـن (ثـار) .. وعذلهـم (طلبـة الـثـار)
جوني يبـون ألطيحتـي ((طيحـة إبعيـر))
والوقـت فـي إنفـوس المواليـف .. بـوار
كتمـت (سـر الحـب) فـي قاعـة البـيـر
وخليت (ضحكي) عن هواجيسي .. (إستار) !!
وضاقت علي إعيونهـم .. ويـن مـا أسيـر
لين أكشفوا .. من (صمتي) أعلـوم وأسـرار
وقصوا (خطى رجلـي) .. وجتـك المقاديـر
وشافوا (ثرى الجره) على .. مفرق الـدار !!
البوح (طيـر) .. وصدتـي (برقـع الطيـر)
العرض الشجري
