يـا سـعـودلا تنـشـد تــرى مـانـي مجـيـب=خـل الــذي خـافـي لــه شـهـور.. خـافـي
إن شفتنـي مغتـاظ.. لـي حـق و مصيـب=يــا سـعـود مزعـلـنـي جـديــد اكتـشـافـي
الغـالـي الـلـي كــان مــن قلـبـي قـريــب=بيـنـي و بيـنـه.. صـــار مـثــل التـجـافـي
إن قـلــت زلـــه.. مثـلـنـا زلـتــه عــيــب=من قال لـك شمـس الضحـى مـا تشافـي
إن قلـت هقـوه.. يمكـن تصيـب و تخيـب=كم لي سنه .. مـا شفـت فيـه اختلافـي!
و إن صار في نفسه بعض شكة و ريب=حتـى البحـر مـا هـو علـى طـول صافـي
صرنا من الصـده .. سـوات المصاويـب=كـلـن نـقـل جـرحـه و قـــال: امتـعـافـي!
((أصعب فراق..
فراق عكف الأشانيـب=مــا هــو مـفـارق لابـسـات الغـدافـي ))
و الذيـب لا منـه عــوى.. جـاوبـه ذيــب=و العلـم حامـض.. بـس ويـن الأشافـي؟
دامــه لـقـى لــه غـيـر قـلـبـي مـعـازيـب=ولله يـســمــح درب هــــــاك الـسـنــافــي
يــروح.. لا يـرجـي رســـول و مكـاتـيـب=هــو خـابـر إنــي.. مــا اتـلـفـت خـلافــي
والـلـي تـعـلـى فـــوق روس المـراقـيـب=أكـيــد مـــا تـسـقــى عـلـيــه الـسـوافــي
رح بشـر اللـي _شـال شلفـا_ تريحـيـب=قــلـــه: تـــراهـــا كـلـبــوهــا عـــوافـــي
الـيـوم نفـسـي طـابـت.. و بـاكـر يـطـيـب=جرحـي.. لـو انـه مــن يـديـن المشـافـي
خلـصـت.. و الدنـيـا دروس و تـجـاريـب=سـجــل يـــا بـــو عبدالـعـزيـز اعـتـرافـي
أصعب فراق فراق عكف الأشانيب
العرض العادي
