سمعت شكوى اللي على ماكره بان = حراً تعلى ماكره ما يهابي
حراً ولد حراً سلايل كحيلان = نسل الشيوخ اللي تحث الركابي
يشكي هواء مدعوجة العين يا فلان = ظامر حشى ملهوف والنهد نابي
وليا تبسم صف لولو و مرجان = وشفايفاً كل الورد والورد رابي
والعود عود اللي ربى وسط بستان = يشرب من الجم القراح العذابي
والخشم سلت سيف والسيف شامان = وان كان ماهو سيف سلت جنابي
والشعر الأسود لانتثر فوق الامتان = في لونه أسود من سواد الغرابي
سبحان ربن صور الزين سبحان = الله عطاه من الجمال انسيابي
ان كان تشكى حب مدعوج الاعيان = قدمك ترى راسي من الحب شابي
أخذت عشر اسنين في الحب غرقان = بين
الـنسيم وبين حـي الـروابـي
واليوم دون الحب سكرت بيبان = اللي يخون الحب ما فك بابي
لابد مافي الحب لذه وحرمان = ولابد ما يحصل عليه أنقلابي
مجنون ليلى قدمنا مات هويان = في حب ليلى ما يهاب الصعابي
اخذ النصيحه واترك الحب لا شان = هذا جوابي كان تبغى جوابي
يالله يامعبود يارب غفران = اغفر ذنوبي وانجني من عذابي
بين الـنسيم وبين حـي الـروابـي .. .. الشلاحي يجاري قصيدة الهاااوي
العرض العادي
