دار الفكـر منـي الـى حـد الأفـلاك=فكرٍ سما بي فـي فضـا الكـون كلـه
فكرٍ يسوق القاف بـه يوصـل هنـاك=لـك يسـرج عنانـه وسيفـه يسلـه
لا ما تلعثمت الحكي هـذا هـو جـاك=فيـه اتـزان القـول مـن دون زلـه
وان مال ميزانـه فـلا ظـنِ يخفـاك=ارجّـحـه بالعـقـل دقــه وجـلـه
يا جاهل اركد وانتبـه كيـف ممشـاك=و كـلٍ علـى ماقيـل دربـه يـدلـه
ماجيت أسوق القاف وأبحث عن ارضاك=ولا رحـت أدور شهـرة ٍ بالمجـلـه
دور علـى قـدك ولا تتعـب خـطـاك=يا متعـبٍ رجلـك علـى غيـر ملـه
مثلي تصون العرض يا هيـه حـذراك=عرضي شريـفٍ ماحصـل فيـه خلـه
درب الزهـر لا تامنـه كلـه اشـواك=المـوت دونـه لا تـقـرّب وخـلـه
بي عزةٍ تسمـو علـى مثـل شـرواك=وبـي كبـريـاءٍ لا حـشـا ماتـذلـه
مــا شاقـنـي هــذا ولا ذا ولا ذا=غيـره ابــد مــا لاق واقــول لله
ياليـل بلّـغ صاحبـي كـان ناجـاك=امـانــةٍ يـالـيـل بالله قــلــه
قل لـه بوسـط القلـب لا زال مبنـاك=اهنـا بقـربـه .. واتفـيّـا بظـلـه
ياليـل قلـه صاحبـك مـا تنـاسـاك=وان ضاع عمـري خبـره فـدوةٍ لـه
غيره ماتنطـق لـه شفايـاي اهـواك=لأنـه ربيـع العمـر زهـره وفـلـه