!! سـود الايام !!

عـزي لـ رجلٍ صكّته سود الايام=سودٍ يجّفلن العرب يا مهدّيه
ابوه ميت .. ماله اخوان .. واعمام=رجلٍ عمى ماله مقّدٍ يقدّيه
بقعى تصكّه كل حزّه لها عام=والخال واحد .. عرقه اللي مواليه
ياخاله اللي قام .. ياليت ماقام=بغى يكّحل عينها واخطت ايديه
وزاد البلّيه .. واتهمه .. وابعده شام=عن ربعته ... عن ديرة ابويٍ موصّيه
ربعك .. ومرباعك .. لك لزام .. وحزام= في وقتٍ اغبر شايناتٍ مواريه
واقفى يدير الفكر .. ويعض الابهام=ماجوّد الثنتين ... ياويش يرجيه
ياسف لوقته ... كل ماجاه لوّام=يقدع من همومه ... وينظر حواليه
ويحلق قدوعه شرب مشروب الانام=دعوه لـ ربه طالبه مايخلّيه
وامسى يهوجس مادرى ويش قدام=يالين جا له من دبا الارض يتليه
دابٍ سقاه السّم في روس الاقدام=سقاه سّم .. ومقدم الرجل مدميه
وارهى بموته ... واعتلا جسمه الام =وهّل العباري ...والمنايا تبكّيه
نوبٍ يداري جرحه بعرف .. والمام=ونوبٍ يذرّي بالدعا كل مشقيه
واشفاه ربه من كثيرات الاسقام=سِلم وسلّم قبل يسلم لواليه
امره .. وعمرٍ ماهقاله بالاقدام=واصبح .. وخابت يوم صبحه هقاويه
وعرض له الشعل .. الغفل .. هيم .. وهيام=زملٍ سرح به مادرى عن دعاويه
هزع به لقومٍ يعبدون الاصنام=قالوا هلا باللّي سرق بيت لافيه
الطّرش لِّنا وانت لك حكم الاعدام=قال اشهد اني ماسرقته .. ولابيه
وان كان ولاّ كان لي شرع الاسلام=لاتشرعون بـ شرع ماني براعيه
وامضى ثمان سنين في جور خدام=لا حكّموا شرعه ... ولا القيد محييه
وازمام حرفي ... يا مدور له زمام=من شاف هم الغير ... هانت بلاويه
وهااانت هموم .. كبار ..وعظام ..وجسام=ويالله تعين المبتلا ..يامعافيه