حــبٍ يشيــب وصـاحبــه ما بعــد شــاب
وحبٍ يشيــب وصاحبـــه في شبــابـــــه
وحبٍ يغيـــــب وصاحبـــه ما بعــد غـــاب
وحبٍ يــــــدوم وصاحبـــه في غيــابــــــه
وحبٍ يــــــذوب خــــــافقٍ مــا بعـــد ذاب
وحبٍ يـــــداوي صاحبــــه مـن عــذابــــه
وحبٍ يـــتــــوب خـــــافقٍ مــا بعد تـــاب
وحبٍ يــزيــــدك رغـــبــــةٍ في الكتابــــة
وحبٍ حيـــاتـــه كلــــهـــــا لـوم وعتـــاب
وحبٍ حقيـقـــي مـا يضــــرك عتــــابــــه
وحبٍ بـلا معــنــى وحــبٍ بــلا اسبـــاب
يبـــدا غـــريـــب وينــتــهي في غــرابـــه
وحبٍ ضعــيــف مثــل حـــبرٍ على كتــاب
يمــحـيه دمــعـــه في ثــوانـــي كـــآبــــه
وحبٍ قـــوي مثـــل قصـــرٍ لـه أبـــــــــواب
لـو هــب عـــاتــــي الـريـح ما اهتز بابــه
وحبٍ بــدايـــة رحلــته نظـرة إعجــــــــاب
وآخر مطـــافـه مثـــل يـــوم بــدأ بــــــــــه
وحبٍ يعيــش بـــداخـــل قلوب الأحبـــاب
وحبٍ يشيـــع وكل حــــيٍ درى بــــــــــه
وحبٍ مقــامــه في ضلـوع الصدر طــــاب
وحبٍ يعــــدي مثــل مر السحـــابــــــــــه
وحبٍ على قـــبـــره نعــق بـوم وغـــــراب
وحبٍ تـغـنــى بـه لــحــون الربـــابــــــــــه
وحبٍ بمــقــدار وحبٍ بــلا حــســــــــــاب
وحبٍ بـــمـــعروفٍ وحـــب نـــهـــابــــــــــه
وحبٍ يعــيــش أهـــلـه وسـط داره أغـراب
ويــمــوت قــهــر ويـنـدفـن في تـــرابـــــــه
وحبٍ غــدا ســره ســوالـــف للأجــنــــاب
وحبٍ يـــمــوت وصــاحــبـه ما حــكى بــه