السلام عليكم ورحمة الله وبركاته
ليله من الذكريات .!
[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياطول ليـل الفراق وياكبر جوره=أيامنا غيـّرت .. حتى طبايعنا
في يوم غابت نجومه وانطفى نوره=مدري وش اللي حصل ! لكن توادعنا
لو تدمع العين من فرقـاك معذوره=الدمع وش قيمته .. لولا مدامعنا ؟
القلب مشتاقلك .. والنفس مقهوره=صحيح بعض المواقف مالها معنا
أحلامنا من هذاك اليوم .. مكسوره=وظروفنا للمواصـل .. ماتشجعنا
سود الليالي خذت منـّا .. ومشكوره=أحلامنا .. والغلا .. واللي بقى معنا
اليوم أنا شاعر ٍ ماحس بـ شعوره=ماهمّه ألا البعاد .. اللي ملوعنا
انا معك .. وأجمل اللحظات مذكوره =أيـام كانت .. محبتنا .. دوافعنا
شفني وشوف المشاعر كيف مجبوره=أدوّر الفرصه .. اللي معك تجمعنا
غلاك للحين .. ماهز الجفا .. سوره=ليله من الذكريات .. ومن مواجعنا
اللي خذاني معك بالصوت والصوره=إن كان يقدر يرجعنا ... يرجعنا
لو كان لك قلب مثل الصبح وزهوره=ما ضاق حلم الليالي .. في شوارعنا[/poem]
أتمنى أن تنال إعجابكم ,,
الشاعر : محمد البطحي ..!!
__DEFINE_LIKE_SHARE__