|
اقدع عسى يقدع على راسك الذيب
هذي قصه وقصيده قديمه ذكرها لي احد الاشخاص وحبيت اشارك بها لطرافتها يذكر ان شاعرين من كبار الشعراء في عصر قريب كانو ابي اتكلم بالعاميه احسن كانو مايدانون بعض وحياتهم اذا تقابلو كلها مجامل في مجامل واحد اسمه حشيش واحد اسمه سعود اسماء وهميه ؟ المهم مره طراء على حشيش يدبل كبد سعود قال في خاطره ابي اسير عليه ابي اغثه المهم حشيش سير على سعود طق الباب فتح له سعود وقاله جعل مهوب مرحبا اقلط .. قلط حشيش وتكى في المجلس سنونه من الاذن الى الاذن و سعود يامادخل وياما طلع يبيه يروح وخوينا تاكي ومبسوط حشيش جهز قصيده يوم دخل عليه سعود قال .. جاك المسير مالقى منك ترحيب - - - - - ولاجبت له قهوه ولامن قدوعي الظاهر انك ماتعرف المواجيب - - - - - - اكيد طبعك يختلف عن طبوعي حنا لاجانا الضيف ننفض له الجيب - - - - ونجيب له من كل شكل ونوعي دخل سعود وهو يونس الهم من حشيش وقصيدته واخذ ساعه ورجع له بقدوع فيه تمرتين وحذفه قدامه وقال اقدع .... اقدع عسى يقدع على راسك الذيب - - - - - - في خايع مابه من الناس دوعي متعطل في البر رجلــك تنــــــاجيك - - - -- - - من ليله الجمعه ليوم الربوعي ومروك ناس غايب عنهم الطـــــيب - - - - - - - -وخلوك وحدك في مكان يروعي ثم جاك ذيب ماسنونه بتركيـــــب - - - - -- - - ذيب ولد ذيب وشرسن قطوعي وسوا بك سوات على غير ترتيب - - - - -- - - يجزع لها قلب الشجاع الفزوعي وهي على ذمه الراوي ؟؟؟ ودمتم بخير |
رد: اقدع عسى يقدع على راسك الذيب
بنوته كيوت صـح لسااانك ولساااان شاعرها ويعااافيك ربي ع الأنتقاء الرائع |
رد: اقدع عسى يقدع على راسك الذيب
بنوتة هؤلاء الشعراء معروفين .. من الكويت .. والي سميتية حشيش اسمة الحقيقي .. هو ضيدان ابن صبحان اللزيزي العجمي.. وصديقة اسمة سعد ابن عبدالله الهتلاني .. يرحمة اللة ......
كان بينهم صداقة عميقة ومراد في الشعر... وكان بينهم طرافة ومزح في الرديات بينهم وللعلم ان ضيدان كان اكبر من سعد بسنين .. وضيدان حالة المادية محدودة .. اما سعد فكانت حالتة المادية ممتازة .... ولهم الكثير الكثير من المساجلات .. ومنهااا هذة .....؟ جاء ضيدان لصديقه سعد وكان سامع ان سعد عنده فلوس واجد وحاطها في البنك وقال اله... عطنا من اللي ياسعد ربي عطاك......عندك فلوس في البنوك ونايمه وانا رفيقك دايم وامشي وراك.......ومدري متى تمطر سماك الغايمه قال اله سعد... اللي عطاني خير بلشحذه بلاك......هاذي عطايا الله وذي قسايمه يومك حسود وتو مابين رداك.......ماعندنا لك مايفطر صايمه قال اله ضيدان... اضن من زار بيتك مانساك ...... ولا أضن تنسي قدايمه يارجل فكر زين والرب يهداك...عزم ترى الرجال من عزايمه رد سعد... تعش عندي جعل ما تاكل عشاك.....عسى تعشاك الطيور الحايمه واللي لنا جابك عسى يقلع مداك......واللي يبي فرقاك محد لايمه ردد ضيدان... لاتحسب انا قاعدين في رجاك.....وعاد الجمل يمشي على قوايمه يالله المعبود جارك ودخلاك......راحت خسارت ذا الصبي في تمايمه وهذة ردية اخرى بينهم... رد ضيدان... ياليتني تاجر وبيتي على الطاش .....ومساهم في نفط بحر الشمالي واشري من اللي تنطح السحب بلكاش .....ماهمني لو قالو السعر غالي واحجج اللي كاده العسر ببلاش.....وادفع ملايين زكاة لمالي وعندي سعد يعمل مقهوي وفراش .....وليا بغيت امشي يطرف نعالي رجلا نعرفه زين ماهو بغشاش .....وليا طلبته حاجتن جابها لي والرجل لاجاوز ثمانين ماعاش.....وان عاش عقب الثمانين بالي رد سعد.... البارحه فكري من الهم منداش.....من واحد طرش كتابه وجالي والله مالي خلق نمزح مع اللاش.....اللي تمنى الخير له والعنا.. لي وقد قلت له دعواك بترد بهواش .....وأرسل مكاتيبك على احد بدالي او اعتذر ما دام الاوضاع تناش.....والا..قلبنا الاولات التوالي وياصعب فهمك وتفهيم الادباش .....وبين عليك انك تكت الدحالي واليوم كثر التمني على ماش.....يازين ضربك بلعصا والعقالي وربعك يعرفونك:كميخ وعماش.....وجهك ماهو من الوجيه الطوالي يوم انت لاجوك المسايير تنحاش.....مثل الثعل من رافعات الذيالي وهذة ردية اخيرة بينهم.... رد ضيدان.......... تطلب لي الشاهي و تطلب لك حليب ................... وانا على الحليب نفسي ذايبه انا احمد الله يوم ما انته لي نسيب........................يلعن صغير ما يقدر شايبه رد سعد.... قم اطلب لنفسك ترا ما انت بغريب......................... لا ني بطالب لك ولاني بجايبه تبغي الكفيا يوم طريت المشيب.......................و اتعبتني مثل الوزير و نايبه رد ضيدان..... في خوة الطيب انا مالي نصيب.................... من خوة الرديان نفسي طايبه قد كان ظني فيك للعلة طبيب...................... و الاريا بها مخطي و فيها صايبه رد سعد.... كلن يبي يرمي رفيقه في القليب.................... و ابليس نوخ عندنا ركايبه علمته الممشى سبقني في الخبيب..................... اللي علومه كلبوها خايبه واناااا اسف علي الاطالة وهذا من اجل الحقوق الادبية للشاعرين الكبيرين .. وشكراااا وتقبلي مرووووري .. وفائق احترامي اخوج .. القاسمي |
رد: اقدع عسى يقدع على راسك الذيب
صح لسان شاعرها وتسلم يمين اللي نقلتها
اختيار رائع وموفق استاذتي كيوت .. اشكرك على التوضيح يالقاسمي الله يعطيك 1000 عافيه و تحية اعجاب لمن يستحق الاعجاب منادي |
رد: اقدع عسى يقدع على راسك الذيب
صح لسان الشعرااااء
ويعطيك العافيه عزيزتي ع الايراد ومشكور يالقاسمي ع التوضيح : : لكم تقديري |
رد: اقدع عسى يقدع على راسك الذيب
صح لسان الشعرااااء
ويعطيك العافيه ع الايراد ومشكور يالقاسمي ع التوضيح |
رد: اقدع عسى يقدع على راسك الذيب
صح لسان الشعرااااء
ويعطيك العافيه ع الايراد ومشكور يالقاسمي ع التوضيح |
| جميع الأوقات بتوقيت GMT +4. الساعة الآن 09:44 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.